SUBARU IMPREZA WRX STI 22B 全車翻新計劃
係1998年SUBARU用咗雙門版本IMPREZA WRX STI做基礎，開發一部係現時極具收藏價值嘅車款「22B STI version」，比起一般雙門版GC8多咗大量專用零件同用咗74F Sonic Blue Mica代表性藍色之外 ，最大分別一定係重現當年征戰WRC戰車“Impreza World Rally Car 97”一樣嘅拋沙版嘅車身外型同埋22B獨有嘅EJ22改引擎，更被Subaru 官方廣告宣傳中冠上”Winner Road Car”之稱
當年新車推出時售價高達500萬日元，不過呢個價錢仍然冇阻一堆熱血車迷，將400個名額一掃而空。
時間返返嚟而家，當年限量400部嘅22B搖身一變成為各收藏家眼中要收藏嘅經典JDM之一，市場價格亦直線上升中，果然冇辜負到”Winner Road Car”之稱，而我哋人汽集團亦有幸為香港車迷引入多部22B，不過呢個都唔係今日重點。我哋其下嘅I Auto Racing為客人嘅22B進行翻新工序‧，今次客人呢部22B考慮到車齡已經超過廿年都埋有係日本都係日常使用，所以質素未算高質
我哋首先為客人搜羅22B原廠零件，但係22B始終都已經推出咗一段時間同埋屬於限量車型，大部份零件早已經停產，可以話係有錢都買唔到，但經過我哋經多方面嘅渠道仍然搵到大部份原廠零件，而剩下搵唔到嘅部份零件我哋都會進行雷射除銹同噴沙除銹方式翻新，務求令翻新計劃盡善盡美，大部份零件到咗之後，我哋就立即安排部22B上架翻新，今次翻新可以分為五個部份，分別係車身、內籠、尾箱、底盤同引擎倉
升高之後可以見到一個經歷23年嘅22B底部，不過我哋準備同呢啲用咗23年零件講再見，我哋首先同時更換引擎倉同底盤零件，升高之後將排氣系統拆除，然後將底擔拆除，同一時間更換排氣系統頭段部份同士摙
裝上全新頭段排氣
更換全新士摙
底擔拆除後然後準備安裝全新頭擔零件
裝上全新22B bilstein專用避震、橫濕、下搖臂、迫力碟等零件
終於完成前半部份
完成底盤前半部份之後，就開始到底盤後半部份
除咗要拆尾底擔之外，仲要拆埋尾牙同直濕
落哂啲嘢之後，就開始更換全新極力子
換完極力子之後，就開始整全新尾牙
砌完新尾牙後，就開始上全新尾擔零件
裝上避震、搖臂、連桿、迫力系統、尾牙等零件
跟住就裝上全新排氣系統
車底大功告成
完成車底部份後，就開始做引擎倉部份
由於之前引擎已經做過一定程度翻新，所以要換嘅嘢唔係太多，有水箱、火咀線、頂吧、各種膠壺等
完成引擎倉後，就只係爭內籠飾件
我哋更換咗手飾箱、中控台、馬鞍等內籠件，完成內籠後就可以落地試車，去片
